غفار احمد راجپوت پروفائيل:راشد لغاري

پروفائيل:راشد لغاري

غفار احمد راجپوت

دنيا ۾ اھڙا ماڻھو جنم وٺندا رھندا آھن جيڪي پنھنجي ھنر جي ذريعي شين کي ايتري تـ خوبصورت شڪل ڏيندا آھن جوھر ڏسندر حيرت ۾ اچي ۽ اچرچ جي نگاهـ سان انسان جي ھٿ مان ٺھيل خوبصورتي جو عظيم شاھڪارڏسي پنھنجي اکين تي ناز ڪري ۽ پنھنجي دل ۾ اھا سوچ سمائي ڇڏين ٿا تـ محنت،لگن،آرزو ۽ اميد سان انسان ھر خواب کي تعبير جي شڪل ڏئي سگھي

ٿو.

جي ھا غفار احمد اھو بـ ڊزائينرآُھي،جنھن کي خدا پاڪ جي طرفان وڻن، ٻوٽن کي ڪٽي ھنن کي سينگاري ۽ تصويرون جي شڪل ڏيڻ جو ھنر حاصل آھي.غفار احمد 1958 ۾ مروحوم وحيد راجپوت جي گھر غربت جي آغوش ۾ جنم ورتو سندس خاندان ھندستان مان ھجرت ڪري ڀٽ شاهـ ۾ اچي آباد ٿيا.ھندستان جي سر زمين ھن خاندان کي الوداع ڪرڻ وقت سندن جھولي ۾ آرٽ جو ھڪ انمول شخصيت تحفي ۾ ڏئي ڇڏيو.جنھن اڳيان ھلي غفار جي صورت ۾ جنم ورتو ۽ اڄ ڪلھـ استاد جو لقب گڏ لڳائي پنھنجي خاندان جي سڃاڻپ ٿيا آھن.

ھا غفار جي طبعيت شروع کان ھي خاموش ھئي ۽ ساوڪ سان عشق جي وجھـ سان سندس خاموشي ۾ وڻ ڳالھائڻ لڳنداھئا.پاڻ صرف 15 سالن جي عمر ۾ پنھجي مائٽ سان جاپان ويو جٿي ھن مسلسل ٽن سالن واري لينڊاسڪيپ ۽ گارڊن جي ٽرينگ حاصل ڪئي ھن جو مين فوڪس ڀڳن ڀيل مان جديد ڊزائينون ٺاھڻ ۽ ان جي پوک ھئي،نت نوان وڻ لڳائڻ بـ انھي ٽرينگ جو حصو ھئا.غفار اڃا ٽرينگ سکي ھي رھيو ھو تـ سندس مائٽن خاندان جو اڪيلو وارث ھجڻ ڪري واپس وطن گھرائي ورتو پر غفار تيستائين پنھنجي روح ۾ وڻن کي شڪل ڏيڻ جو ھنر محفوظ ڪري ڇڏيو اھائي وجھـ آھي تـ شايد جاپان جي استاد ھن کي الوداعي لفظ چوندي چيو تـ مون کي افسوس آھي تـ جاپان جا وڻ اھڙي انمول ڊزائينر کان محروم پيا ٿين پر پاڪستان جا ماڻھو ھن ٻوٽي جو ميوءُ ضرور کائيندا.ھنر سکڻ جي عمل ۽ يادگيرين جا ڪيترا ئي حسين پل غفار پنھنجي سيني ۾ سانڊي اباڻي وطن واپس پھتو پر اسان جي ماڻھن ان جي ھنر تي يقين نـ آيو ۽ ھن کي ڪم نـ ڪرڻ جا بھانا چوڻ لڳا تنھڪري غفار کي مختلف جڳھـ تي روزگار حاصل ڪرڻ لاءِ بـ پنڌ ڪرڻو پيو پر سندس وڻن سان لازوال محبت ٻوٽن کان پري ٿيڻ نـ ڏنو ۽ روزگار سان گڏوگڏ غفار پنھنجي اضافي وقت ۾ جنگلن ۾ وڃي ٻوٽن جي ڊزائينگ ڪرڻ لڳو ۽ انھي ھي وقت رسول بخش لغاري جي اکين ھن جي عظيم ھنر کي سڃاتو ۽ سندس اوطاق جو پروجيڪٽ ھن جي حوالي ڪيائين.پروجيڪٽ ملندي ھي ھن جي دل ۾ موجود ھنر ھڪ آتش فشان پھار وانڱي ڀاٽي ڪري ماڻھن جي اڳيان نمايان ٿيو،مون جھڙن ڪيترن ھي صحافين کي اچرج ۾ وجھي ڇڏيائين غفار پنھنجي خوبصورت وڻن جي ڪٽينگ جي ذريعي وڻن مان ڪتاب ٺاھي انسانيت کي سبق پڙھائڻ جي ڪوشش ڪندو آھي تـ ڪڏھن بحري جھاز ٺاھي انسان کي مشڪل واري سمنڊ مان نڪرڻ جي مدد ڪندو آھي تـ ڪڏھن وري انھي خوبصورت وڻن جي ڪٽنگ پروردگار عالم جو نالو ظاھر ڪري انسان کي ڪائنات جي ارتقا ۽ انجام ياد ڏيارڻ جي ڪوشش ڪندو آھي.استاد غفاراحمد سان مختصر ملاقات ۾ ھن ٻڌايو تـ انسان ۾ جيڪڏھن ھنر موجود ھجي تـ ھو وڻن جي خوبصورتي بـ انسانيت جو سبق پڙھائي سگھي ٿو.

طاهر مٺو: پروفائيل محمد يونس ملاڻو

  foto is required    
 محمد يونس ملاڻو

رول نمبر 74

 پروفائيل  
 طاهر مٺونئين ٽهيءَ جو اڀرندڙ فنڪار

                                    
  سنڌ  ۾ هر جڳھ تي ڪلاڪار ۽ فنڪار پيدا رهن ٿا. جهڙوڪ قادر بخش مٺوُ، ضامن علي، سجاد يوسف، ارباب شيخ  ۽ طاهر مٺوُ پڻ انهن مان هڪ آهي. طاهر مٺوُ 01 جنوري 1980 ع ۾ شيدي پاڙي ڪوٽڙي ۾ جنم ورتو. سندس اصل نالو طاهر چانڊيو آهي پر قادر بخش مٺوُ جي صحبت ڪري طاهر چانڊيي بجاءِ طاهر مٺو سڏجڻ لڳو هن شروعاتي تعليم پرائمري اسڪول ڪوٽڙي مان حاصل ڪئي، پاڻ پنجين ڪلاس ۾ هو جو کيس راڳ سکڻ جو شوق جاڳيو جنهن سبب ڏهين ڪلاس تائين پڙهائي جاري رکي سگهيو ان بعد هن تعليم ڇڏي استاد مجيد سينگار وٽ راڳ سکڻ جي باضابطا شروعات ڪئي. جنهن ۾ هو موسيقي جون ڌنون ڪمپوز 
ڪرڻ سان گڏ راڳ جو بنيادي ساز باجو “پيانو” پڻ سکندو هو.

ننڍي هوندي کان ئي طاهر مٺو راڳ جو شوقين هجڻ ڪري رستن ۽ گهٽين ۾ ڳائيندو ۽ آلاپيندو هو جنهنڪري  ڪجھ ماڻهو مٿس کِلون به ڪندا هئا پر هن ڪڏهن به مايوسي محسوس نه ڪئي.

هڪڙي ڀيري جڏهن هو پنجين ڪلاس ۾ هو ته هڪ اسڪولي پروگرام ۾ قادر بخش مٺو جو اچڻ ٿيو ۽ جڏهن قادر بخش مٺو پنهنجي فن جو مظاهرو ڪري رهيو هو ته طاهر چانڊيي جي اندر ۾ لڪيل صلاحيتون ڀڙڪو ڏئي ٻاهر نڪرڻ لاءِ وڏا ساه کڻي رهيون هيون ته هن قادر بخش مٺو کي اهو چيو ته آءُ به توهان کي هڪ ڪلام ٻڌائڻ پسند ڪندس، جنهن تي قادر بخش مٺو سندس جرئت کي مان ڏيندي کيس همٿايو ۽ ڪلام ٻڌائڻ لاءِ چيو،
طاهر چانڊيو اڃا ٻار ئي هو ته سندس آواز ۽ لهجي قادر بخش مٺو کي ايترو ته موهي وڌو جو ان پاڻ هن جو نالو طاهر مٺو رکيو ۽ کيس پٽن واري اهميت ڏيندي سندس همت افزائي ڪئي ۽ کيس هر پروگرام ۾ پاڻ سان گڏ وٺي وڃڻ جو پڪو پھ ڪيو، جنهن بعد طاهر مٺو ان ڏينهن کان اڄ ڏينهن تائين قادر بخش مٺو سان گڏ آهي ۽ ان مان گهڻو ڪجه سکيو۽ پرايو اٿائين . سندس چوڻ موجب مان جيڪو ڪجھ به آهيان اهو سڀ ڪجھ استاد قادر بخش مٺو جي مهرباني آهي، جنهن جا احسان آخري دم تائين وساري نٿا سگهجن. هن دنيا ۾ هو مان لاءِ هر سک ۽ آرام کان ابتر آهي.

طاهر مٺو تقريبن 08 سال ٽيليويزن جو ڪم ڪيو آهي ۽ راڳ جي دنيا ۾ پاڻ ملهايو.

سڄي پاڪستان ۾ سنڌ ڪلچر دپارٽمينٽ پروگرام، ڪوڪ اسٽوڊيو ۽ قلندر لعل شهباز جي ميلي تي پڻ فن جو مظاهرو ڪري چڪو آهي، جنهن تي کيس داد ڏيندي شهباز ايوارڊ سان پڻ نوازيو ويو آهي.

طاهر مٺو راڳ جي خدمت ڪندي راڳ جي دنيا ۾ چار شاگرد تيار ڪيا آهن، جن ۾ شيدي باشا هم باشا، واجد علي صديقي ۽ ٻيا شامل آهن.

طاهر مٺو راڳ تي ايتري ته محنت ڪئي آهي جو سنڌ جا سريلا فنڪار شمن علي ميرالي، احمد مغل، ضامن علي، منظور سخيراڻي، سجاد يوسف، حميره چنا ۽ ٻيا پڻ ڪيترائي فنڪار هن جون ڌنون ڳائي چڪا آهن.

طاهر مٺو ڪي ٽي اين، جيو، پاڪستان ٽيليويزن ۽ سنڌ  ٽي وي سميت ڪوڪ اسٽوڊيو ۾ پڻ ڳائي چڪو آهي، جنهن ۾ ڪلاسيڪل راڳي سليمان شاھ جو ڳايل ڪلام “پيرين پونديسان چونديسان” نئين انداز ۾ بهترين نموني ڳائي چڪو آهي. طاهر مٺوءَ جو موسيقي سان چاھ رکڻ ڪري تمام سٺو ۽ محبت ڪندڙ آهي، انڪري ڌرتيءَ تي رهندڙ فنڪارن جو وجود تمام وڏي اهميت رکي ٿو جيڪي ماڻهن کي غمن جي گوندر مان ڪڍي کين ڪجھ پلن لاءِ خوشي ارپي سگهن ٿا.   

Practical work carried under supervision of Sir Sohail Sangi

پروفائيل ; ڪلثوم سنڌو Revised

Photo required

پروفائيل

 ڪلثوم سنڌو

منظر علي ڀٽي رول نمبر 59

اسان جنهن سماج ۾ رهون ٿا، اهو مرد جو سماج آهي جتي مجموعي طور مرد حاوي رهي ٿو ۽ عورت کي ڪمتر ڪري پيش ڪيو ويو آهي. پر تاريخ ۾ عورت پڻ بنهنجي وجود گي ظاهر ڪرڻ لاٰءِ تمام وڏيون ڪوششون ورتيون آهن ۽ قربانيون پڻ ڏنيون آهن، جنهنجو مثال محترما بينظيرڀٽو، ايلسا قاضي، فاطما جناح ۽ ٻين کوڙ سارين بهادر ۽ اڏول عورتن هن ڌرتي تي جنم ورتو آهي، جن تمام گھڻي محنت ۽ جفاڪشن سان ننڍين وڏين تڪليفن کي منهن ڏيندي پاڻ کي نمايان ڪردار طور پيش ڪيو آهي ۽ مردن سان ڪلهو ڪلهي ۾ ملائي ساڳئين ئي ادارن ۾ ڪم ڪرڻ جي جرئت پڻ پيدا ڪئي آهي.

عمرڪوٽ شهر جي رهواسڻ ڪلثوم سنڌو بـ انهن ئي بهادر ۽ اڏول عورتن مان پڻ هڪ آهي. جنهن هن هٺ ڌرمي واري ماحول ۾ تمام گھڻين مسئلن ۽ پريشانين باوجود نـ صرف پاڻ پر پنهنجي خاندان کي سکيو ستابو رکيو آهي، ۽ ان ڪيترن ئي سماجي پهلوئن کان سماج ۾ بي پهچ ۽ مظلوم ماڻهن جي مدد ڪئي آهي.

ڪلثوم سنڌو  ضلعي عمرڪوٽ جي تعلقي سامارو ۾ جنم ورتو ۽ ابتدائي تعليم اباڻي شهر مان پرائي، ۽ انٽرميڊيئٽ گرلس ڊگري ڪاليج عمرڪوٽ مان ڪرڻ بعد آرمي پبلڪ اسڪول ڇور ۾ ٻـ سال استاد رهي. ان کانپوءِ ميري اسپورٽس سوسائٽي ۾  2004ع  ۾ کيس ڪائونسلر جي پوزيشن تي ڪم ڪرڻ جو موقعو مليو، اتي ٻـ سال ڪم ڪرڻ کانپوءِ مارچ 2006ع ۾ ٿرديپ سوشل آرگنائيزر ۾ سوشل ورڪر طور فرض سرانجام ڏنا.

ٿر جي هڪ ڳوٺ ۾ ڪينسر يونٽ تي ڪم ڪرڻ شروع ڪيو، اتي کينس ڪم ڪرڻ جو تجربو نـ هئڻ ڪري ڪافي ڏکايئين کي منهن ڏئي نوڪري برقرار رکي. هفتي ۾ صرف هڪ

ڀيرو کيس گھر اچڻ جو موقعو ملندو هئس.

2006 ۾ ڇوڪرين کي نوڪري ڪرائڻ جو سسٽم نه هئڻ ڪري ماڻهن جون عجيب عجيب ڳالهيون ۽ اوکا لفظ ٻڌڻا پونداهئا، پر ماڻهن جي انهن ڳالهين کي ڪڏهن به سنجيدا نه ورتو ان وقت ڪلثوم جي ماءُ جي طبيعت گڙدن جي بيماري سبب خراب رهڻ لڳندي هئي،هر مهيني ماءُ کي علاج لاءِ ڪراچي وٺي وڃڻو پوندو هو ،امڙ جي بيماري ڪري گهر جا مالي حالات به رولڙي جو شڪار ٿي ويا،گهر جا حالات ايتري قدر خراب ٿي ويا جو ڪڏهن م اني ملندي هئي ته ڪڏهن فاقي تي رهڻو پوندو هئس.امڙ لڳاتار بيمار رهڻ سبب 2008 ۾ وفات ڪري وئي .ان وقت ڪلثوم سان گڏ ڪراچي جي  ڪڊني سينٽر ۾ ڪير به مٽ مائٽ نه هئڻ ڪري اڪيلي ڇوڪري ماءُ جو مڙھ ايمبولينس ۾ کڻائي عمر ڪوٽ آئي،انهن ڏکن ۽ تڪليفن حوصلن کي وڌيڪ مضبوط بڻايو.

هر ڇوڪري جي اها خواهش هوندي آهي ته هو پهنجي شادي لاءِ ڏاج گڏ ڪري، انهي ڪشمڪش واري حالت  ۾ ڪلثوم پنهنجي ٻن ڀينرن جي شادي ڪرائي۽ پنهنجي شادي لاءِ گڏ ڪيل ڏاج انهن کي ڏئي ڇڏيو،ڪجھ وقت کانپوءِ هن جي والد جي  طبيعت به خراب رهڻ لڳندي هئي،ڪلثوم جي پگهار جا سمورا پئسا به والد جي علاج ۾ خرچ ٿي ويندا هئا. پريشانين ۽ سورن  ڄڻ ته هن کي ڳولهي لڌو هو. ڪجھ وقت گذرڻ کانپوءِ والد به وفات ڪر ويس. ڪلثوم مشڪلاتن ۽تڪليفن سبب وري 2010 ۾ ٿرديپ جوائن ڪئي ۽سماج جي ڌڪاريل ماڻهن جي لاءِ جاکوڙ ڪري غريب ۽ مسڪين ماڻهن لاءِ ڪم ڪيو.هن کي غريب ۽ مسڪين ماڻهن لاءِ جاکوڙ ڪرڻ تمام گهڻو پسند آهي،جنهن مان سندس ضمير مطئمن هوندو هئس،ان کان پوءِ ٿرديپ ۾ جينڊر فوڪل پرسن رهي،جنهن تحت ڪراچي، لاهور ،اسلام آباد،سکر ۽ ٻين شهرن مان پڻ سکيا ورتي. ۽ اها سکيا ٻين تائين پهچائي جنهن سبب ان جي ڃڻ ۾ ڪافي اصافو آيو .2013 ۾ پهريون ڀيرو ازبڪستان وئي جتان به کيس ڪافي نيون شيون سکڻ جو موقعو مليس .ان بعد پائلر عمرڪوٽ ۾ ڪم ڪرڻ شروع ڪيو ۽ انهي جو حصو تي وئي، ان جو مقصد صرف عوام جي هقن لاءِ جاکوڙ ڪرن هو.پائلر جي پليٽ فارم تان هن هارين،مزدورن ۽ اقليتن جي حقن جي تحفظ لاءِ جدوجهد ڪئي.ان دوران هن LLB ۾ پڻ داخلا ورتائين هن مهل تائين LLB جي ٻه سال پورو ٿي چڪا آهن هاڻ هو هڪ سٺي وڪيل طور ڪم شروع 

..ڪري رهي آهي هن جو وڪيل ٿيڻ جو مقصد رڳو ڏتريل ۽ دربدر ماڻهن جي حقن لاءِ وڪالت ڪرڻ آهي.

منظر علي ڀٽي ٽيون سال ماس ڪميونيڪشن

Practical work carried under supervision of Sir Sohail Sangi